டான்- விமர்சனம்

எங்க அடித்தால் எப்படி வலிக்கும், எங்கு வெடித்தால் விசில் பறக்கும் என்ற வித்தை தெரிந்த டான் யார்னா அது நம்ம எஸ்.கே தான்

40 வருசத்துக்கு முன்னாடியே 4000 ரைட்டர்ஸ் சோல்னா பைக்குள்ள வச்சிட்டு சுத்திருப்பாங்க இப்படி ஒரு கதைய. ஆனா அதை எப்படிச் சொல்லி உட்கார வைக்கிறோங்கிறது தான் மேட்டர். அந்த மேட்டர்ல டான் நின்னுட்டாப்ல

தனக்குள்ள இருக்குற திறமையை கண்டுபிடிச்சு..அதைக் கெட்டியாப் பிடிச்சுப் பெரியாளா ஆவேனே தவிர…இந்த பொறியாளன் படிப்பை மதிக்கவே மாட்டேன் பேர்விழி என கல்லூரிக்குள் சுற்றுகிறார் சிவகார்த்திகேயன். காலேஜிக்குள் அவர் கொடுக்கும் லந்துகளுக்கு எதிர்பந்து போடுகிறார் எஸ்.ஜே சூர்யா. அவரது பந்துகளை வைத்தே சிகஸர் அடிக்கும் எஸ்.கே ஒரு கட்டத்தில் தன் கட்டம் அறிகிறார். பின் விம்முகிறார் வெம்முகிறார் பம்முகிறார். முடிவில் படத்தின் மையச்சரடை நோக்கி ஒரு ஜம்மு ஜம்முகிறார். பைனலி எல்லாம் சுபம். கல்லூரிக்குள் டானாக இருக்கும் சிவா தனக்குள் இருக்குற டேலன்டை கண்டுபுடிக்கும் இடம் தான் படமே. ஆனால் அதை ஏனோ தானோவென எடுத்திருக்கிறார்கள். படத்தின் நீளமும் அய்யோடா ரேஞ்ச். சிரிப்புக்காக மெனக்கெட்டிருக்கிறார்கள். பட் நாம சில இடங்களில் சிரிக்க மெனக்கெட வேண்டியதுள்ளது. காமெடியாக நகரும் கதை எமோஷ்னல் ஏரியாவிற்குள் செல்லும் போது அதை ஷார்ப்பாக ஹேண்டில் செய்திருக்கணும். அதையும் கோட்டை விட்டாச்சு..இதெல்லாம் படத்தின் மைனஸ்கள்

அப்போ ப்ளஸ்கள்?

அது நிறைய இருக்கு. சிவகார்த்திகேயனின் திரை ஆக்கிரமிப்பு. அடடா அபாரம். பாடிலாங்வேஜ், டான்ஸ், எமோஷ்னல் என எல்லாத்திலும் கலக்கிட்டாப்டி. அவரின் ஸ்கிரீன் ப்ரசன்ஸ்க்காகவே டானுக்கு டிக்கெட் போடலாம். அடுத்த ப்ளஸ் எஸ்.ஜே சூர்யா. என்ன நடிகன்ங்க! பின்னிருக்கார். பிரியங்கா மோகன் அழகா இருக்கார்..டைரக்டர் அவர் கேரக்டரை அளவா கொடுத்ததால் அளவுக்கேத்தபடி நடித்திருக்கிறார். தன்னை கண்டுபிடிப்பதில் இருக்கும் முனைப்பும் உழைப்பும் அப்பா அம்மாவை இருக்கும் போதே கொண்டாடுவதிலும் இருக்கணும் என்று சொன்ன மேசேஜும் படத்தில் பக்கா

இசை ஒளிப்பதிவு ஆர்ட் என டெக்னிக்கல் டீமும் படத்தில் உருப்படி. மிகச்சில கடுப்படிகளை ஒதுக்கி வைத்துவிட்டு பார்த்தால் டான் நிச்சயமாக கவர்வார்

-மு.ஜெகன் கவிராஜ்