வாழ்க்கை ஒரு பயணம் என்றால் அந்தப்பயணத்தில் அடிஷ்னலாக வரும் இன்னொரு பயணமே காதல். அப்படியான காதலை பயணத்தின் வழியாகச் சொல்லியிருக்கும் படமே துரிதம்
எதையும் விரைவாக சரியாகச் செய்து முடித்தால் துரிதமான செயல்பாடு என்பார்கள். இந்தப்படத்தில் வரும் ஒரு பெரிய பிரச்சனையை ஹீரோ எப்படி எதிர்கொண்டு துரிதமாக முடிக்கிறார் என்பதாக பயணிக்கிறது படம்
கால்டாக்ஸி டிரைவரான ஹீரோ ஜெகனுக்கு அந்தக்காரில் பயணிக்கும் நாயகி ஈடன் மீது காதல். இருவருக்கும் எவ்விதமான கடந்தகால தொடர்பும் இல்லாமல் இருப்பதாக கதை செல்கிறது. (But அதில் ஒரு ட்விஸ்ட் இருக்கு) தீபாவளிக்கு முந்தைய நாளில் சென்னையில் இருந்து மதுரைக்கு ஜெகனும் ஈடனும் பைக்கில் செல்ல வேண்டிய ஒரு சூழல் ஏற்படுகிறது. அந்தப்பயணத்தில் ஓர் அசம்பாவிதம் நடக்கிறது. அதற்கான காரணம் என்ன? ஈடனிடம் ஜெகன் தன் காதலை வெளிப்படுத்தினாரா? நடிகர் ராம்ஸ் எடுக்கும் ஒரு விபரீத முடிவுக்கான finishing என்ன என்பதாக கதை நகர்கிறது
ஹீரோவாக சண்டியர் ஜெகன் இயல்பாக நடித்துள்ளார். காதலை வெளிப்படுத்த முடியாமல் தவிக்கும் காட்சிகளில் தேர்ச்சி பெறுகிறார். ஈடன் தன் அப்பாவுக்கு பயப்படும் காட்சிகளிலும் எமோஷ்னல் காட்சிகளிலும் நல்ல நடிப்பை வெளிப்படுத்தியுள்ளார். ராம்ஸ் கேரக்டர் வடிவம் படத்தில் சிறப்பாக அமைந்துள்ளது. அவரும் நன்றாக நடித்துள்ளார். மறைந்த நடிகர் பூ ராமு தன் வேலையைச் சிறப்பாக செய்துள்ளார். ஈடனின் தோழிகளாக வரும் பெண்கள் அனைவரும் நல்ல தேர்வு. இயக்குநர் வெங்கடேஷ் கறார் அப்பாவாக கவர்கிறார்
நரேஷின் இசையில் ஒரு பாடல் கவர்கிறது. பின்னணி இசை ஓகே ரகம். பயணக்காட்சிகளில் ஒளிப்பதிவைச் சிறப்பாகச் செய்திருக்கிறார்கள் வாசன்&அன்பு டென்னிஸ்
பெரிய நடிகர் பட்டாளம் இல்லாமல் ஒரு நல்ல கதையை நல்லவிதமாய் சொல்ல முயற்சித்துள்ளார் இயக்குநர் சீனிவாசன். படம் துவங்கி வெகுநேரம் கழித்து கதையோடு கனெக்ட் ஆவது சின்ன குறைபாடாக இருந்தாலும், இடைவேளைக்குப் பிறகு வெகுவிரைவாக பயணிக்கிறது படம். சின்னச் சின்ன திருத்தங்கள் தேவைப்பட்டாலும் துரிதம் ஒரு நல்ல முயற்சி. வரவேற்போம்
3/5
-மு.ஜெகன் கவிராஜ்
#துரிதம் #Thuritham