வங்கிக்கு கொள்ளையடிக்கச் சென்று வங்கிக்கொள்ளைகளை தோலுரிக்கும் கதை துணிவு
டார்க்டெவில் எனப்படும் அஜித்தின் கேங் பல சம்பவங்களை அசால்டாகச் செய்யக்கூடியவர்கள். அவர்கள் ஒரு வங்கிக்கு கொள்ளையடிக்க வருகிறார்கள். ஏன் கொள்ளையடிக்க வந்தார்கள் என்பதற்கு ஒரு கதையும், கொள்ளையடித்ததை என்ன செய்யப்போகிறார்கள் என்பதை அதே கதையில் கோர்த்து திரைக்கதை ஆக்கியிருக்கிறார் இயக்குநர் ஹெச்.வினோத்
அஜித் தனது மாஸான மேனரிசங்களால் ஈர்க்கிறார். அசால்டாக நடித்து ஸ்கோர் பண்ணுவதில் அஜித் எப்பவுமே மாஸ்டர். அதைத் துணிவிலும் சிறப்பாகச் செய்துள்ளார். அஜித்தை அடுத்து படத்தில் ஸ்கோர் செய்வது பத்திரிகையாளராக வரும் கல்யாணராமன் தான். மனிதர் ஜர்னலிச துறையினரை போட்டுத் தாக்குகிறார். சமுத்திரக்கனிக்கு வீரமான போலீஸ் கமிஷ்னர் கேரக்டர். ஓகே ரகம். மஞ்சு வாரியார் ஆக்சனும் காட்டியிருக்கிறார். பெரிதாக அவர் கேரக்டரில் வலுவில்லை. சின்னக் கேரக்டரில் வந்தாலும் தர்ஷன் நன்றாக மனதில் பதிகிறார்
ஜிப்ரானின் இசையில் பாடல்கள் பேக்ரவுண்ட் ஸ்கோர் இரண்டுமே ஏமாற்றம் தான். ஒளிப்பதிவு மிகத்தரமானதாக அமைந்துள்ளது.
தனியார் வங்கிகள் நமக்கு ஆசைகளை காட்டி எப்படி நம் வாழ்வாதாரத்தை அவர்களுக்கு அர்ப்பணிக்க வைக்கிறது என்பதை கதையின் வழியே சொல்லியிருக்கும் விதம் நச் ரகம். முன்பாதியில் மின்னெல பறக்கும் திரைக்கதை பின்பாதியிலும் அப்படியே பயணித்தாலும் ஒரு பூந்தோட்டம் அளவிற்கு லாஜிக் ஓட்டைகள் படத்தில். நம்ப முடியாத காட்சிகள் பலவற்றாலும் நமக்குள் முழுமையாக கனெக்ட் ஆகாத காட்சிகள் பலவற்றாலும் பல இடங்களில் துணிவு பலவீனப்பட்டு நிற்கிறது.
இருப்பினும் வங்கிகளின் மோசடிகளை ஒரு மாஸ் ஹீரோவை வைத்து ஸ்ட்ராங்காக பேசியதற்காக துணிவை நாம் கொண்டாடலாம்
3/5
-மு.ஜெகன் கவிராஜ்