கணவன் மனைவி உறவுக்குள் நுழையும் இன்னொரு பெண்ணால் நடைபெறும் சில சம்பவங்கள் தான் சில நொடிகள்
ஹீரோ ரிச்சர்ட் பிரபலமான டாக்டர். அவருக்கு ஒரு அழகான மனைவியும் உண்டு. ஒரு அழகான காதலியும் உண்டு. காதலி விசயம் மனைவிக்குத் தெரியவரும் முன்பே காதலிக்கு ஒரு ஆபத்து நேர்கிறது. அந்த ஆபத்து என்ன? அதிலிருந்து மூவரின் வாழ்வில் நிகழும் பிரச்சனைகளும் தீர்வுகளும் என்னென்ன? என்பதே படத்தின் கதை
ரிச்சர்ட் எப்போதும் டல்லான முகத்துடனே திரிகிறார். மனைவியோடு ரொமான்ஸ் பண்ணும் போது மட்டுமல்ல..காதலியோடு ரொமான்ஸ் பண்ணும் போதும் டல் ஆகத்தான் இருக்கிறார். யாசிகா ஆனந்த் சில இடங்களில் கவனிக்க வைக்கிறார். மனைவி கேரக்டர் ஓரளவு வலிமையாக எழுதப்பட்டிருப்பது அவர் நடிப்புக்கு உற்சாகம் கொடுக்கிறது
பாடல்களும் பின்னணி இசையும் போதிய அதிர்வை தரவில்லை. ஒளிப்பதிவு ரிச் ஆக இருக்கிறது. எடிட்டர் படத்தை ஷார்ட் ஆக்கியது பெரும் ஆறுதல்
சின்ன திரில்லர் கலந்த பேமிலி ட்ராமா கதைக்கு இன்னும் அழுத்தமான திரைக்கதை கொடுத்திருந்தால் சிலநொடிகளில் மனதை விட்டு கடந்து போகாத படமாக அமைந்திருக்கும்
2.25/5
-மு.ஜெகன் கவிராஜ்