Upper class மாணவர்களுக்கான ஒரு இசைப்படம் என இப்படத்தை வரையறுக்கலாம். அதையும் தாண்டி ஒரு பதின்பருவ காதலும் சொல்லப்பட்டுள்ளது படத்தில்.
ஸ்ரேயா ஒரு தனியார் பள்ளிக்கு மியூசிக் டீச்சராக வருகிறார். அங்கு அவருக்கு மனைவியை இழந்து மகளோடு வாழும் ஷார்மனுடன் நட்பு கிடைக்கிறது. அது காதலாக மாறியதா என்பது தனிக்கதை. ஸ்ரேயா தனியாக மியூசிக் ஸ்கூல் வைக்கும் முடிவை எடுக்கிறார். அங்கு சில மாணவ மாணவியர் வருகின்றனர். அவர்களில் ஒரு மாணவி காவல்துறையின் உயரதிகாரி பிரகாஷ்ராஜின் மகள். அந்த மாணவிக்கும் இசைப்பள்ளியில் உள்ள ஒரு மாணவனுக்கும் காதல் ஏற்படுகிறது. ஸ்ரேயாவும் ஷார்மனும் ஒரு நிகழ்ச்சிக்கு ஏற்பாடு செய்திருக்கிறார்கள். நிகழ்ச்சிக்கு காதல் வயப்பட்ட அந்த மாணவர்கள் தேவை. ஒரு கட்டத்தில் அவர்கள் தப்பித்து வெளியூர் செல்கிறார்கள். ஷார்மன் ஸ்ரேயா இருவரும் காதல் மாணவர்களை கண்டுபிடித்தார்களா? பிரகாஷ்ராஜ் எடுத்த மூவ் என்ன? என்பதைச் சொல்கிறது படம்
இசை சம்பந்தப்பட்ட படம் என்பதால் படமெங்கும் பாடல்கள் தான். ஆனால் எந்தப்பாடலுமே மனதில் நிற்கவில்லை. இசை இளையராஜா தானா? என சந்தேகமே வந்துவிட்டது. நடித்தவர்கள் அனைவரும் எதார்த்தம் மீறாமல் நடித்துள்ளனர். பிரகாஷ்ராஜ் மகள் கரியர் மீது அக்கறை கொண்ட, அதே நேரம் கண்டிப்பு மிகுந்த தந்தையாக நன்றாக நடித்துள்ளார். அவரது அம்மா கேரக்டரும் நச். ஸ்ரேயா டீச்சர் ரோலுக்கு நல்ல பொருத்தம்.
மிகவும் கலர்ஃபுல்லான ஒளிப்பதிவு. கோவா போன்ற இடங்களைத் தேர்வு செய்து ஷுட் செய்திருக்கிறார்கள். பார்ப்பதற்கு ரம்மியமாக இருக்கிறது
ஒரு நல்ல எமோஷ்னல் இசை ட்ராமாவாக வந்திருக்க வேண்டிய படம். சிறுபிள்ளைத் தனமான மேக்கிங்காலும், சிதறி ஓடும் திரைக்கதையாலும் பலவீனப்பட்டு நிற்கிறது.
2/5
-மு.ஜெகன் கவிராஜ்
#மியூசிக் ஸ்கூல் #MusicSchool