மழையில் நனைகிறேன்- விமர்சனம்

காதலுக்காக காத்திருக்கும் வழக்கமான காதலனின் கதை

நாயகன் அன்சல் பால் நாயகி ரெபா ஜான் மீது கண்டதும் காதல் கொள்கிறார். அந்தக் காதலை ஏற்க மறுக்கிறார் ரெபா ஜான். “நீ என் காதலை ஏற்கும் வரை காத்திருப்பேன்” என்ற முடிவை ஹீரோ எடுக்க, முடிவில் நாயகனின் காதல் மற்றும் காத்திருப்பு என்னானது? என்பதே படத்தின் கதை

ஹீரோவாக அன்சல் பால் ஓரளவு தன்னுடைய நடிப்பை நல்ல விதமாக வெளிப்படுத்தியுள்ளார். நாயகி ரெபா ஜானும் நல்ல நடிப்பைக் கொடுத்துள்ளார். இவர்கள் இருவர் உள்பட ஏனைய கேரக்டர்களும் கொடுத்த வேலைக்கு குறை வைக்கவில்லை

பாடல்கள் ரசிக்கும் படியாகத் தான் அமைந்துள்ளது. பின்னணி இசையும் பரவாயில்லை. ஒளிப்பதிவாளர் சின்ன படம் என்ற தொனியை ஏற்படுத்தாமல் ஆங்கிள்ஸை சிறப்பாக வைத்துள்ளார்

காதல் சார்ந்த படம் என்றாலே வசனங்களில் ஒரு துள்ளல் இருக்க வேண்டும். அதை விஜி மற்றும் கவின் பாண்டியன் இருவரும் சிறப்பாகச் செய்துள்ளனர். இன்னும் அழுத்தமான திரைக்கதை கூடி வந்திருந்தால் படம் சிறப்பான அனுபவத்தைக் கொடுத்திருக்கும்
2.5/5
-வெண்பா தமிழ்