,கிங்ஸ்டன் படம் வரும் மார்ச் முதல் வாரத்தில் வெளியாக இருக்கிறது. இப்படத்தில் ஹீரோவாக நடித்ததோடு படத்தை தயாரித்தும் உள்ளார் ஜி.வி பிரகாஷ். பெரும் எதிர்பார்ப்பை ஏற்படுத்தியுள்ள இப்படத்தின் பிரஸ்மீட் இன்று சென்னையில் நடைபெற்றது. பத்திரிகையாளர் சந்திப்பில் ஜிவி பிரகாஷ் முதல், படக்குழு உள்ளிட்டவர்களோடு, சிறப்பு விருந்தினர்களாக வெற்றிமாறன், பா ரஞ்சித் ஆகியோரும் கலந்து கொண்டார்கள். படத்தைப் பாராட்டியும், படக்குழுவினரை வாழ்த்தியும் பேசிய இய்க்குநர் வெற்றிமாறன், “ஜிவி பிரகாஷிடம் இசை தான் நன்றாக போய் கொண்டிருக்கிறதே? ஏன் நடிக்கணும் என்கிறீர்கள் என்று கேட்டேன். அதற்கு நான் அறைக்குள்ளே இருக்கிறேன். வெளியே வர வேண்டும் என்று சொன்னார். மேலும் ஜிவி நடிக்க வந்தபின் அவரது இசை க்ரோத் இன்னும் வலிமையாகத் தான் இருக்கிறது. இந்தக் கிங்ஸ்டன் படத்தில் நடிகராக அவர் தன்னை மேம்படுத்தியுள்ளார்” என்றார். கிங்ஸ்டன் படத்தைப் பற்றிய பலரது பாசிட்டிவான பார்வை, படம் மீதான எதிர்பார்ப்பை நாளுக்கு நாள் அதிகரித்து வருகிறது