ஒரு பாடியை வைத்து ஆடும் காமெடி ஆட்டமே படம்
வாங்கிய கடனை அடைப்பதற்காக கல்யாணம் செய்ய வேண்டும் என ஆசைப்படுகிறார் ஹீரோ சந்தானம்..அவர் கடனை செட்டில் செய்து Full life-ல் செட்டில் ஆகும் படியாக ஒரு சம்பந்தம் வருகிறது. அவரும் கல்யாணம் செய்துவிடுகிறார். அதன்பின் அவர் கடன் தீர்ந்ததா? என்றால் அங்கு ஒரு ட்விஸ்ட். அடுத்து ஒரு தீவிரவாத கும்பலின் கதை ஒன்று சந்தானத்தோடு கனெக்ட் ஆக, படத்தில் ஹேப்பி எண்டிங் எப்படி வருகிறது என்பதே கதை
சிங்கிள் தேவைப்படும் இடத்தில் கூட சிக்ஸ் அடித்து படத்தை ஹைட்டில் வைக்கிறார் சந்தானம். சந்தானத்திற்கு ஈடு கொடுத்தும் சில இடங்களில் சந்தானத்தை தாண்டியும் ஸ்கோர் செய்கிறார் தம்பி ராமையா. அவருடன் பக்காவாக கூட்டணி சேர்ந்து அசத்தியுள்ளார் பால சரவணன். மாறன், ஷேசு, மனோபாலா, சுவாமி நாதன் என ரெகுலர் காமெடி கூட்டணி காமெடியில் சரவெடி கொளுத்தியுள்ளனர். இவர்களில் மிகவும் குறிப்பிட வேண்டிய நடிகர் விவேக் பிரசன்னா. மனிதர் வெளுத்து வாங்கியுள்ளார்
இமான் இசையில் ஒரு கார் ட்ராவல் சாங் பாடலும், அந்தப்பாட்டின் ஐடியாவும் அட்டகாசம். போலவே கேமராமேனும் தனது உழைப்பை தரமாக கொடுத்துள்ளார். வரைகலை பல இடங்களில் பல்லிளித்தாலும் அது பெருங்குறையாக தெரியவில்லை. ஷார்ப்பான எடிட்டிங்கும் படத்தின் ஆகப்பெரும் பலம்
ஒரு விசயத்தை நோக்கி நகரும் திரைக்கதை திடீரென ட்ராக் மாறினாலும், அந்த ட்ராக் இன்ட்ரெஸ்டாக இருப்பதால் போரடிக்கவில்லை. படத்தின் பின்பாதியின் பெரும் பிரச்சனை ஏகப்பட்ட லாஜிக் ஓட்டைகள் தான். குறிப்பாக ஆஸ்பிடலில் இவர்கள் நடத்தும் அட்ராசிட்டிலாம் மனநல மருத்துவமனையில் கூட நடக்காது. க்ளைமாக்ஸில் எல்லாம் நம் காது நிறைய மதுரை மல்லி. ஆனாலும் அட்டகாசமாக ஒன்லைனர்களும், Fun லைனர்களும் தூள் கிளப்புவதால் இந்த கிங் இந்த வாரத்தில் கெத்து காட்டுகிறார்
3/5
-மு.ஜெகன் கவிராஜ்