ஆணாதிக்கம் மிகுந்த சினிமாத்துறையில் பெண்களை முதன்மைக் கதாப்பாத்திரமாக்கி வரும் படங்கள் மிகக்குறைவு. அப்படி குறைவான படங்களில் தடம் பதிக்கும் படங்களும் அரிது. ஆனால் நடிகை ஐஸ்வர்யா ராஜேஷுக்கு முதன்மைப்பாத்திரம் ஏற்கும் எல்லாப் படங்களும் தடம் பதிக்கும் அளவில் தரமாகவே அமைந்து விடுகிறது. கனா, க/பெ ரணசிங்கம் படங்களைத் தொடர்ந்து டிரைவர் ஜமுனா படம் மூலமாக ஹாட்ரிக் அடித்துள்ளார் ஐஸ்வர்யா ராஜஷ்
கார் டிரைவர் பணி செய்யும் ஐஸ்வர்யா ராஜேஷுக்கு ஓர் பயண அழைப்பு வருகிறது. அந்த அழைப்பின் பின்னணியில் ஒரு பயங்கரம் இருக்கிறது. அந்தப்பயணம் ஐஸ்வர்யாவின் வாழ்க்கைப்பயணத்தை எப்படியெல்லாம் புரட்டுகிறது என்பதே படத்தின் கதை
வழக்கம் போல தன் தேர்ந்த நடிப்பை கொடுத்து ஆச்சர்யப்படுத்தியுள்ளார் ஐஸ்வர்யா ராஜேஷ். அவரைத் தொடர்ந்து திரையில் தோன்றும் அனைவருமே கதையின் கணம் உணர்ந்து நடித்துள்ளார்கள்
சின்னச் சின்ன ஓசையிலும் கூட கவனம் செலுத்தி இசை அமைத்துள்ளார் ஜிப்ரான். அவரின் வழிகாட்டல் ஜமுனாவின் பயணத்திற்கு நல்ல திருப்பத்தை கொடுக்கிறது. கேமராமேன் சேஷிங் காட்சிகளில் மிரட்டியிருக்கிறார்
இன்னும் சற்று நேரம் குறைத்திருக்கலாம் என்ற வார்த்தைக்கே இடம் கொடாமல் கச்சிதமாக படத்தை முடித்திருக்கிறார் இயக்குநர். க்ளைமாக்ஸில் அவ்ளோ பெரிய ட்விஸ்ட் இருந்தும் , படம் முழுதும் என்கேஜிங் குறையாமல் பார்த்துக்கொண்ட இயக்குநரின் புத்திசாலித்தனம் பாராட்டுக்குரியது. இந்தப் புதுவருடத்தை நீங்கள் தாராளமாக டிரைவர் ஜமுனா ஓடும் திரையரங்குகளில் கொண்டாடலாம்
3.5/5
-மு.ஜெகன் கவிராஜ்