ஒரு உக்கிரமான சினிமாவை வழங்குகிறான் இந்த அக்கரன்
படத்தின் முதல் காட்சியில் இருவரை வைத்து ஒரு பதைபதைப்பான விசாரணையைத் துவங்குகிறார் எம்.எஸ் பாஸ்கர். அந்த விசாரணையின் பின்னணி என்னவென்றால் எம் எஸ்.பாஸ்கரின் இரு மகள்களில் ஒருவர் காணாமல் போகிறார். அதற்கான காரணங்களை விசாரிக்கும் எம்.எஸ்.பாஸ்கர் இந்த இருவரை கண்டடைகிறார். இவர்கள் அந்தப் பெண் ஏன் காணாமல் போனார் என்ற காரணத்தைச் சொல்வது தான் படமாக விரிகிறது
சென்ற வாரம் வெளியான ஒருநொடி படத்தில் ஒரு நொடியில் பெரும் கவனம் ஈர்த்த எம் எஸ் பாஸ்கர் இப்படத்தில் அசத்தியுள்ளார். ஏனைய நடிகர்கள் யாரும் பெரிய குறையேதுமின்றி கவனம் ஈர்க்கிறார்கள்
இப்படியான படத்திற்கு எப்படியான விஷுவலை கொடுக்கவேண்டும் என உணர்ந்து உழைத்துள்ளார் ஒளிப்பதிவாளர். இசை அமைப்பாளர் பாடல் இல்லாத படத்திற்கு அந்தக் குறை தெரியாத அளவிற்கு பின்னணி இசையை அமைத்துள்ளார்.
சின்ன கதையாக துவங்கும் படம் போகப்போக பெரிய படமாக விரிகிறது. சிலபல காம்பரமெஸ்கள் பர்ஸ்ட் ஹால்பில் இருந்தாலும் படம் எங்கும் ஆபாஃயில் ஆகவில்லை என்பது ஆறுதல். பழி தீர்க்கும் கதையில் இன்னும் சில வழி சேர்த்திருந்தால் படம் சிறப்பாக அமைந்திருக்கும்
2.5/5
-மு.ஜெகன் கவிராஜ்