படமாக வெளியாகியுள்ள ஒரு பாடம் 35 சின்ன விஷயம் இல்ல
சிறுவன் அருணுக்கு கணக்கு பாடத்தோடு பிணக்கு. அதனால் பள்ளியில் அவன் ஜீரோ என அழைக்கப்படுகிறான். பள்ளி நிர்வாகம் அவனை 35 மார்க் கணக்கில் எடுத்தே ஆகவேண்டும் என்கிறது. இதனால் அருணின் அப்பா அவனை வேறோர் கோச்சிங் க்ளாஸில் சேர்க்க நினைக்கிறார். இதை விரும்பாத அருணனின் அம்மாவான நிவேதா தாமஸ், அருணுக்காக தானே சொல்லிக் கொடுக்க முயல்கிறார். மகனுக்காக அம்மா எடுத்த முயற்சி வெற்றி அடைந்ததா? என்பதே படத்தின் கதை
கதையின் நாயகர்கள் என படத்தில் நிறைய பேர்களை குறிப்பிட முடியும். சிறுவன் அருண் மிகத்தரமாக நடித்துள்ளான். அம்மாவாக வரும் நிவேதா தாமஸ், அட அட என நெகிழ்ந்து பாராட்ட வைக்கிறார். அப்பா கேரக்டர், ஆசிரியர் கேரக்டர் எல்லாம் சரியாக உருவாக்கப்பட்டுள்ளது. அனைவருமே நன்றாக நடித்துள்ளனர்
கதைக்குத் தேவையான இசையை வழங்கியுள்ளார் இசை அமைப்பாளர். ஒளிப்பதிவாளர் தனது வேலையை திறம்பட செய்துள்ளார்
சின்னக் கதைக்குள் பெரிய விசயத்தை அடக்கியதிலே படம் பாதி வெற்றியை அடைந்துவிடுகிறது. கணக்குப் பாடம் வழியாக இயக்குநர் ரசிகர்களுக்கு சமூகப்பாடம் எடுத்திருப்பது பெரும் பாராட்டுக்குரியது. திரைக்கதையின் வாயிலாகவே இன்றைய கல்வி முறையை கேள்வி கேட்பதும்,விமர்சிப்பதும் சபாஷ் போட வைக்கிறது. கமர்சியல் ஹீட் தகிக்கும் தெலுங்கில், இப்படியான கருத்தியல் படமும் வந்திருப்பது பாராட்ட வேண்டிய ஒன்று
3.25/5
-வெண்பா தமிழ்